أبدت يارا نعوم، زوجة عماد متعب، مهاجم الأهلي، استياءها بسبب المعاملة التي يتلقاها زوجها داخل الفريق الأول لكرة القدم بالأحمر، وخاصة بعد استبعاده من المشاركة في المباراة الودية التي جمعت المارد بروما بالأمس، وانتهت بفوز الأحمر بأربعة أهداف مقابل ثلاثة، والتي أقيمت على ستاد هزاع بن زايد، بالعين الإماراتية.
أكدت يارا نعوم، أن الأهلي لن يحجز تذكرة عودة لزوجها عماد متعب، خلال رحلة العودة إلى القاهرة، مُتسائلة عن السبب هل يرجع إلى “السيستم” ولا في الأشخاص العاملين، مشددة على أن هناك سيناريو يتم اتباعه مع متعب، من نشر أخبار كاذبة على لسانه واستبعاده من المباريات، حتى يتم إجباره على الرحيل.
وقالت ملكة جمال مصر السابقة، عبر حسابها الرسمي عبر موقع التواصل الاجتماعي “فيس بوك”: أنا نفسى أفهم ليه بيتعمل كدة مع عماد !!!
عماد نفسه مش فاهم فى ايه و إزاى بيتعمل معاه كدة و أخر حاجة كانت امبارح كل اللعيبة لعبت إلا هو !!!
اه عملنا ماتش عالمى امبارح مع فريق عالمى دى كلمة قليلة عليه، بس ده ماتش ودى مش نهائى افريقيا، صح ولا غلط ؟!!!
(التعتيم الإعلامى+عدم مشاركة+نشر اخبار كاذبة على لسانه وتسريب اخبار بالإستغناء عنه ولسه فاضل فى عقده سنة)
ده السيناريو المحفوظ اللى كل الناس حفظته و زهقت منه و على فكرة لو عايز تشوه صورة عماد شوف سيناريو غير ده عشان خلاص اتهرش و الناس مش هاتصدقه زى بالظبط موضوع ان عماد اخره 5 او 10 دقايق و العفريت اللى بيحضره بيجهز بعد الدقيقة تسعين و هوب هات ياعماد الجول فرح الناس وانقذنا من البهدلة و التقطيع !!!
وفى المؤتمر الصحفى الكوتش بيقول كان نفسى يكون موجود بس احنا عندنا 4مهاجمين متميزين، طب فهمت انا ايه كدة !!!
طيب ده عماد هو اللى فى السكور على طول و باقى المهاجمين مش دايماً موجودين، و امبارح من باب اولى انك تلاعب اللى موجود معاك على طول مش اللى برة و بقاله شهور ماشفش الاستاد،صح ولا غلط ؟!!
هى صفحات الكراسة بتخلص عند عماد بس زى ماقال بركات ؟؟؟؟؟؟
عماد كبيييير و تارييييييخ عماد مش من السهل ان حد ييجى زيه تانى غير بعد سنين كتير اوى.
اه على فكرة عماد مكنش محجوزله تذكرة عودة مع الفريق ومكنش هيرجع معاهم، ياترى ياهل ترى ده العيب فى السيستم ولا فينا و لا فى مين بالظبط ؟!!!”